“Mbillni atë që doni dhe ajo do të rritet.”
Mitta Xinindlu
Në librin e tyre, “Great by Choice“, autorët Jim Collins dhe Morten Hansen diskutojnë konceptin e Paranojës Produktive.
Fokusi në këtë libër përqendrohet rreth mënyrës se si kompanitë kryesore operojnë në një mjedis biznesi ku tregu ndryshon në mënyrë të dhunshme dhe të papritur.
Autorët thonë, “Ideja e Paranojës Produktive nuk është për liderët që ecin të trishtuar, të frikësuar për të marrë vendime dhe paranojak të dyshimtë për punonjësit e tyre.”
Sjellja paranojake
Le të hedhim një vështrim në sjelljen paranojake të shfaqur nga këta menaxherë dhe drejtues:
- Ata kanë një mosbesim të tepruar ndaj punonjësve të tyre dhe mendojnë se po manipulohen ose shfrytëzohen.
- Ata janë hipervigjilentë, duke besuar se ekziston rrezik potencial kudo.
- Ata e kanë të vështirë, nëse jo të pamundur, t’i falin punonjësit që bëjnë gabime, edhe pse ata po bëjnë më të mirën.
- Ata marrin një qëndrim mbrojtës më shumë se që duhet, duke u bërë shpesh argumentues dhe luftarak.
- Ata besojnë se punonjësit kanë një axhendë të fshehur ose motive të fshehura.
Çfarë mendoni për këtë sjellje? Vetëm të shkruaja për të më hoqi energjinë.
Nuk është aspak argëtuese!
Paranoja produktive
Nga një perspektivë e përgjithshme, Collins dhe Hansen rekomandojnë që drejtuesit e kompanive të miratojnë një qasje të ndryshme, një qasje që është produktive në natyrë, si për shembull:
- Ndërtoni rezerva monetare dhe rezerva për t’u përgatitur për sfidat dhe mundësitë e tregut.
- Merrni rreziqe të llogaritura gjatë ndryshimeve të turbullta të tregut … shmangni qëndrimin në vend.
- Përdorni një perspektivë me lente të dyfishta ku fillimisht “Zmadhoni” dhe më pas “Zvogëloni” për të ekzekutuar proceset e biznesit.
Zmadhoni dhe Zvogëloni
Kjo këshillë për lente të dyfishta ofron udhëzime të shkëlqyera për çdo person që dëshiron të shmangë nënshtrimin ndaj paranojës.
Hapi i parë këtu është zmadhimi për të skanuar mjedisin. Për shembull, kohët e fundit i kam sugjeruar studentëve të mi se ata duhet të bëjnë si në vijim në lidhje me karrierën e tyre të ardhshme…
- Krijoni planin tuaj njëvjeçar. Ku do të jeni në 12 muajt e ardhshëm? Çfarë diplome keni fituar? Çfarë certifikimi keni përfunduar?
- Përshkruani planin tuaj 3-vjeçar. Mendoni se ku do të jeni pas 36 muajsh. A jeni në industrinë e duhur? Si e dini?
- Vizualizoni planin tuaj 5-vjeçar. E kuptoj se shumë gjëra mund të ndryshojnë në 60 muaj, por ju duhet të keni një vizion të qartë se çfarë do të bëni deri atëherë. Nëse puna e ëndrrave tuaja është të jeni një menaxher i projekteve që punon në sipërmarrje globale, është e rëndësishme që ky vizion të jetë i qartë në mendjen tuaj. Mund ta realizoni vetëm nëse mund ta shihni dhe ta ndjeni.
Çështja këtu është se ne kemi zmadhuar dhe e dimë se ku po shkojmë. Tani që mund të përfytyrojmë të ardhmen, është koha për të zvogëluar. Me fjalë të tjera, veprimi fillon tani!
Përfundimi është se njerëzit e suksesshëm e dinë saktësisht se çfarë duan. Pjesa tjetër është ecuria e veprimeve të përditshme për ta realizuar atë.
Një gjë tjetër që do të doja t’i shtoja diskutimit është se ne duhet të bëjmë një jetë të ekuilibruar, që do të thotë se përulësia është një domosdoshmëri.
Puna e ëndrrave tona do të jetë shumë më shpërblyese nëse ndihmojmë me përulësi të tjerët gjatë rrugës.
_____________________________________
Citate Frymëzuese
“Është e vështirë të ndërtosh vrull nëse po ndan vëmendjen tënde.” – J.K Dekan
“Mbani një fokus të qartë, pavarësisht nga qëllimet e të tjerëve për të ndryshuar dinamikën.” – Steven Redhead
_____________________________________
Detyrë shtëpie
Oh … si profesor në zemër, e keni marrë me mend, unë kam një pyetje për ju si detyrë shtëpie. Kjo është një pyetje e fuqishme që thjesht mund t’ju nxisë të ndërmerrni veprime për diçka që ka vërtet rëndësi në jetën tuaj.
Si e dini se jeni duke ecur në drejtimin e duhur?
_____________________________________
Dr. Jimmie Flores filloi karrierën e tij të mësimdhënies në Houston Community College në vitin 1991. Gjatë 30 viteve të fundit, ai ka mbajtur poste mësimdhënie dhe drejtuese në universitete të ndryshme. Si edukator, ai është i përkushtuar t’u ofrojë studentëve të tij njohuritë dhe ekspertizën që bëjnë ndryshimin në mjedisin e sotëm dinamik dhe kompleks.
_____________________________________
Shënim: Artikulli u publikua fillimisht nga Dr. Jimmie Flores në buletinin e tij please share this link with others! më 6 Dhjetor 2023. Është riprodhuar në këtë blog me lejen e autorit.
_____________________________________
Kërkoj ndjesë për çdo lëshim të paqëllimtë në përkthim dhe përshtatje.
Shpresoj të jetë artikull i duhur.
Bekim Dauti [përktheu dhe përshtati]
Bekim Dauti's Blog 